QR Code

پشاور میں 4 بہنوں کا قتل، دو ملزمان گرفتار

29 Jun 2015 22:40

اسلام ٹائمز: پولیس کے مطابق محلہ حسینیہ میں ہفتے کی شام چار بہنوں کو قتل کرنے والے دو ملزمان فضل القادر اور اس کے بیٹے فضل حسین کو متنی اور ایف آر پشاور کے سرحدی علاقے سے گرفتار کیا گیا ہے۔

اسلام ٹائمز۔ پشاور کے محلہ حسینیہ میں 4 بہنوں کو قتل کرنے والے دو ملزمان کو گرفتار کر لیا گیا ہے۔ ملزمان سے آلہ قتل بھی برآمد کیا گیا۔ پولیس کے مطابق محلہ حسینیہ میں ہفتے کی شام چار بہنوں کو قتل کرنے والے دو ملزمان فضل القادر اور اس کے بیٹے فضل حسین کو متنی اور ایف آر پشاور کے سرحدی علاقے سے گرفتار کیا گیا ہے۔ جن سے آلہ قتل بھی برآمد ہوا۔ پولیس کے مطابق خواتین کو جائیداد کے تنازع پر قتل کیا گیا تھا۔ ملزمان نے ہفتے کی شام کو اندرون شہر محلہ حسینیہ میں واقع ایک گھر میں گھس کر چاروں بہنوں کو فائرنگ کر کے قتل کر دیا تھا۔

خبر کا کوڈ: 470209