QR Code

چودھری نثار کا سید قائم علی شاہ سے ٹیلی فون پر رابطہ

7 Jul 2015 05:44

اسلام ٹائمز: وزیر داخلہ کا کہنا تھا کہ صوبائی خود مختاری کا احترام کرتے ہیں، کسی صوبے کو اس حوالے سے تحفظات نہیں ہونے چاہیئں۔

اسلام ٹائمز۔ وزیرداخلہ چوہدری نثار نے وزیراعلیٰ سندھ سید قائم علی شاہ سے ٹیلی فون پر رابطہ کیا ہے اور کہا ہے کہ ایف آئی اے کو تحفظ پاکستان قانون کے تحت دیئے گئے حالیہ اختیارات محض سندھ کیلئے مخصوص نہیں ہیں۔ وزیر داخلہ چودھری نثار علی کا کہنا تھا کہ ایف آئی اے کو اختیارات دینے کا بنیادی مقصد ان جرائم کی تحقیقات کی ذمہ داری دینا ہے جو بین الاقوامی یا بین الصوبائی ہیں اور جو تمام صوبوں کی پولیس کے دائرہ کار سے باہر ہیں۔ چودھری نثار کا کہنا تھا کہ صوبائی خود مختاری کا احترام کرتے ہیں، کسی صوبے کو اس حوالے سے تحفظات نہیں ہونے چاہیئں۔

خبر کا کوڈ: 471992