QR Code

جامعہ حقانیہ اسلام آباد سے گرفتار دو اساتذہ رہا کردیئے گئے

23 Aug 2015 23:52

اسلام ٹائمز: محکمہ انسداد دہشتگردی کے ایک اہلکار کے مطابق ملزم شوکت علی کیخلاف انسداد دہشتگردی کے متعدد مقدمات میں تفتیش چل رہی ہے۔

اسلام ٹائمز۔ اٹک واقعے میں گرفتار جامعہ حقانیہ اسلام آباد کے دو استاتذہ کو رہا کردیا گیا ہے۔ تفصیلات کے مطابق، اسلام آباد کے گرین بیلٹ پر قائم غیرقانونی جامعہ حقانیہ سے گرفتار کیے جانے والے مدرسے کے مہتمم قاری احسان اللہ کے صاحبزادے قاری امداد اللہ اور معلم اشاد کو انسداد دہشتگردی فورس نے رات گئے رہا کردیا ہے جبکہ شوکت علی قانون نافذ کرنے والے اداروں کی تاحال تحویل میں ہے۔ محکمہ انسداد دہشتگردی کے ایک اہلکار کے مطابق ملزم شوکت علی کیخلاف انسداد دہشتگردی کے متعدد مقدمات میں تفتیش چل رہی ہے۔ حکام کے مطابق، وہ خودکش جیکٹس تیار کرنے کے ساتھ ساتھ شدت پسندوں کا سہولت کار بھی تھا۔ اہلکار کے مطابق، ملزم شکو علی صوبائی وزیر داخلہ کے قتل کے اگلے روز ہی جامعہ حقانیہ اسلام آباد آیا تھا۔

خبر کا کوڈ: 481588