QR Code
کالعدم تحریک طالبان کے 3 دہشتگرد ریمانڈ پر کراچی پولیس کے حوالے
28 Aug 2015 18:00
اسلام ٹائمز: منگھو پیر سے گرفتار کئے گئے طالبان دہشتگرد جمشید خان، قسمت شاہ اور حسن خان اورنگی ٹاؤن میں دھماکے کرنے، سیاسی و مذہبی رہنماؤں کو قتل کرنے اور محرم الحرام کے دوران دہشت گردی کی منصوبہ بندی میں ملوث تھے۔
اسلام ٹائمز۔ شہر قائد میں انسداد دہشت گردی کی عدالت نے کالعدم تحریک طالبان پاکستان کے 3 دہشتگردوں کو جسمانی ریمانڈ پر پولیس کی تحویل میں دے دیا۔ تفصیلات کے مطابق کراچی پولیس نے منگھو پیر سے گرفتار کئے گئے کالعدم تحریک طالبان پاکستان سے تعلق رکھنے والے 3 دہشتگردوں جمشید خان، قسمت شاہ اور حسن خان کو عدالت میں پیش کیا، جو اورنگی ٹاؤن میں دھماکے کرنے، سیاسی و مذہبی رہنماؤں کو قتل کرنے اور محرم الحرام کے دوران دہشت گردی کی منصوبہ بندی میں ملوث تھے، جنہیں عدالت نے تفتیش کے لئے جسمانی ریمانڈ پر پولیس کے حوالے کر دیا۔
خبر کا کوڈ: 482562