QR Code
تمام ادارے آئین میں دی گئی حدود کے اندر رہ کر کام کریں، آصف زرداری
15 Sep 2015 12:56
اسلام ٹائمز: جمہوریت کے عالمی دن کے موقع پر اپنے پیغام مں پیپلز پارٹی کے شریک چیئرمین نے کہا کہ ہمیں دہشت گردی اور کرپشن کے خلاف جنگ کرنی چاہیے، مسائل سے نمٹنے وقت آئینی حدود اور اختیارات کے اندر رہنا چاہیے، طاقتور اداروں کی دیگر اداروں کی حدود میں دخل اندازی اچھا شگون نہیں۔
پاکستان پیپلز پارٹی کے شریک چیئرمین آصف علی زرداری نے کہا ہے کہ طاقتور اداروں کی دیگر اداروں کی حدود میں دخل اندازی اچھا شگون نہیں، اس لئے تمام ادارے آئین میں دی گئی حدود کے اندر رہ کر کام کریں۔ جمہوریت کے عالمی دن کے موقع پر آصف علی زرداری نے اپنے پیغام میں کہا کہ ہمیں دہشت گردی اور کرپشن کے خلاف جنگ کرنی چاہیے، مسائل سے نمٹنے وقت آئینی حدود اور اختیارات کے اندر رہنا چاہیے، تمام ادارے آئین میں دی گئی حدود کے اندر رہ کر کام کریں، طاقتور اداروں کی دیگر اداروں کی حدود میں دخل اندازی اچھا شگون نہیں۔ پیپلز پارٹی کے شریک چیئرمین کا کہنا تھا کہ جمہوریت انتخابات منعقد کروا کر اقتدار منتقل کرنے کا نام ہی نہیں، بلکہ آئین کی حدود کا احترام، شفاف احتساب اور مخالفین کی رائے کا احترام جمہوریت ہے۔ انہوں نے کہا کہ جمہوریت کے دشمن مختلف لبادہ اوڑھ کر سامنے آتے ہیں، اس لئے عوام کو جمہوریت کو درپیش خطرات سے آگاہ کیا جانا چاہیے، اس کے علاوہ دہشت گرد اور انتہاپسند ذہنیت سے بھی جمہوریت کو خبردار رہنا چاہیے۔
خبر کا کوڈ: 485774