QR Code
پشاور اور کوہاٹ میں سرچ آپریشن، افغان باشندوں سمیت 75 سے زائد مشتبہ افراد گرفتار
19 Sep 2015 13:50
اسلام ٹائمز: ذرائع کے مطابق گزشتہ روز ایئرفورس کے بیس کیمپ پر دہشت گردوں کے حملے کے بعد آج سیکورٹی فورسز نے کوہاٹ میں سرچ آپریشن کرکے 53 مشتبہ افراد کو گرفتار کرلیا۔ جبکہ پشاور کے علاقے متنی اور گردو نواح میں سرچ آپریشن کرکے افغان باشندوں سمیت 25 سے زائد افراد کو حراست میں لے لیا۔
اسلام ٹائمز۔ سکیورٹی فورسز نے پشاور اور کوہاٹ کے علاقوں میں سرچ آپریشن کر کے افغان باشندوں سمیت 75 سے زائد مشتبہ افراد کو گرفتار کر کے ان کے قبضے سے اسلحہ بھی برآمد کرلیا ہے۔ ذرائع کے مطابق گزشتہ روز ایئرفورس کے بیس کیمپ پر دہشت گردوں کے حملے کے بعد آج سکیورٹی فورسز نے کوہاٹ میں جنگل خیل اور گرد و نواح کے علاقوں میں سرچ آپریشن کر کے 53 مشتبہ افراد کو گرفتار کرلیا۔ گرفتار ملزمان کے قبضے سے اسلحہ بھی برآمد ہوا۔ سکیورٹی فورسز نے پشاور کے علاقے متنی اور گردو نواح میں بھی سرچ آپریشن کیا۔ آپریشن کے دوران افغان باشندوں سمیت 25 سے زائد افراد کو حراست میں لے کر ان کے قبضے سے اسلحہ برآمد کر لیا گیا۔
خبر کا کوڈ: 486365