QR Code
افغانستان میں طالبان کی فائرنگ سے 6 پاکستانی شہری جاں بحق
22 Sep 2015 22:59
اسلام ٹائمز: افغان طالبان کی فائرنگ سے جاں بحق ہونے والے افراد میں 4 کا تعلق نوشکی اور 2 کا تعلق تفتان سے ہے، طالبان نے نعشوں کو قبائلی عمائدین کے حوالے کر دیا ہے۔
اسلام ٹائمز۔ پاک افغان سرحد کے قریب افغانستان کے علاقے میں افغان طالبان کی فائرنگ سے 6 پاکستانی شہری جاں بحق ہو گئے ہیں، طالبان نے نعشیں قبائلی عمائدین کے حوالے کر دیں۔ میڈیا رپورٹس کے مطابق منگل کے روز پاک افغان سرحد کے قریب افغانستان کے علاقے میں افغان طالبان نے عام شہریوں پر اندھا دھند فائرنگ کی ہے، جس میں پاکستان کے 6 شہری جاں بحق ہو گئے ہیں۔ افغان طالبان کی فائرنگ سے جاں بحق ہونے والے افراد میں 4 کا تعلق نوشکی اور 2 کا تعلق تفتان سے ہے، طالبان نے نعشوں کو قبائلی عمائدین کے حوالے کر دیا ہے۔
خبر کا کوڈ: 486995