QR Code

فرزند علی چھچھر کو اسلامی تحریک پنجاب کے سیاسی سیل کا چیئرمین بنا دیا گیا

8 Oct 2015 21:34

اسلام ٹائمز: علامہ سبطین سبزواری نے کہا ہے کہ عدم فعال عہدیداروں کی جگہ نئے چہرے لائیں گے، ہمیں علامہ ساجد علی نقوی کی جدوجہد کو پنجاب میں منظم کرنا ہے، اس کیلئے کسی کی ذاتی مصروفیات کو آڑے نہیں آنا چاہئے، تنظیمی عہدہ اعزاز ہی نہیں، ذمہ داری بھی ہے جو ذمہ داری پوری نہیں کرسکتا اسے ہٹا دیا جائے گا۔

اسلام ٹائمز۔ شیعہ علماء کونسل پنجاب کے صدر علامہ سبطین حیدر سبزواری نے صوبائی نائب صدر میاں فرزند علی چھچھر کو اسلامی تحریک پاکستان کے سیاسی سیل پنجاب کا چیئرمین مقرر کر دیا ہے۔ یہ نامزدگی سید محمد رضا شاہ کی ذاتی مصروفیات کے باعث کی گئی ہے جو سیاسی سیل کو مناسب وقت نہیں دے سکے۔ علامہ سبطین سبزواری نے کہا ہے کہ عدم فعال عہدیداروں کی جگہ نئے چہرے لائیں گے، ہمیں علامہ ساجد علی نقوی کی جدوجہد کو پنجاب میں منظم کرنا ہے، اس کیلئے کسی کی ذاتی مصروفیات کو آڑے نہیں آنا چاہیئے، تنظیمی عہدہ اعزاز ہی نہیں، ذمہ داری بھی ہے، جو ذمہ داری پوری نہیں کرسکتا اسے ہٹا دیا جائے گا۔ انہوں نے چیئرمین سیاسی سیل کو فعال کرنے کی ذمہ داری دیتے ہوئے دوسری سیاسی تنظیموں سے روابط اور کارکنوں کی سیاسی بنیادوں پر تربیت کا ہدف دیا ہے۔ واضح رہے کہ میاں فرزند علی نائب صدر کے عہدے سے مستعفی ہو جائیں گے۔

خبر کا کوڈ: 489688