QR Code

دسیوں فلسطینی بیس سال سے زائد عرصہ سے اسرائیلی جیلوں میں قید ہیں، رپورٹ

6 Jan 2011 14:58

اسلام ٹائمز: اسیران فلسطینی سے متعلق آگاہ شخص نے بتایا ہے کہ 126 فلسطینی قیدی ایسے ہیں جو گذشتہ 20 سال سے اسرائیل جیلوں میں محبوس ہیں۔

اسلام ٹائمز- قدس نیٹ کے مطابق فلسطینی قیدیوں کے مسائل پر تحقیق کرنے والے ایک محقق "عبدالناصرفروانة" نے خبر دی ہے کہ گذشتہ 20 سال سے صہیونی حکومت نے اپنے خلاف مزاحمت کے الزام میں 126 فلسطینی شہریوں کو اپنے جیلوں میں قید کر رکھا ہے۔
انہوں نے مزید کہا کہ "نائل برغوثی" سب سے پرانے فلسطینی قیدی ہیں جو 4 اپریل 1978ء سے صہیونی حکومت کی قید میں ہیں۔ فلسطینی قیدیوں کو اسرائیلی جیلوں میں ہمیشہ شدید جسمانی اور نفسیاتی ٹارچر کا سامنا رہا ہے۔ اسی طرح انہیں انتہائی کم سہولیات فراہم کی جاتی ہیں۔ انسانی حقوق اور فلسطینیوں کی حامی تنظیموں نے فلسطینی قیدیوں کی حالت زار کے بارے میں بارہا متنبہ کیا ہے۔
ایک اندازے کے مطابق اسرائیلی جیلوں میں اس وقت 500 بچوں اور خواتین سمیت تقریباً 11 ھزار فلسطینی قید ہیں۔

خبر کا کوڈ: 49353