QR Code

بلاول بھٹو زرداری نے لاڑکانہ میں اپنی زندگی کا پہلا ووٹ کاسٹ کردیا

31 Oct 2015 15:47

اسلام ٹائمز: چیئرمین پیپلز پارٹی نے لاڑکانہ کی یونین کونسل نوڈیرو وارڈ 3 کے پولنگ اسٹیشن میں کاسٹ کیا، ان کی آمد کے موقع پر پولنگ اسٹیشن کے اندر موجود تمام افراد کو باہر نکال دیا گیا، میڈیا کے کیمروں کے سامنے بلاول نے اپنا ووٹ کاسٹ کیا، اور اس موقع پر عملہ بھی ہاتھ جوڑ کر انہیں سلام کرتا رہا۔

اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے اپنا پہلا ووٹ نوڈیرو پولنگ اسٹیشن میں کاسٹ کر دیا۔ تفصیلات کے مطابق بلاول بھٹو زرداری نے اپنی زندگی کا پہلا ووٹ سندھ کے ضلع لاڑکانہ کی یونین کونسل نوڈیرو وارڈ 3 کے پولنگ اسٹیشن میں کاسٹ کیا، ان کی آمد کے موقع پر پولنگ اسٹیشن کے اندر موجود تمام افراد کو باہر نکال دیا گیا۔ بلاول بھٹو زرداری کارکنان کی بڑی تعداد کے ہمراہ ووٹ کاسٹ کرنے آئے، اور میڈیا کے کیمروں کے سامنے انہوں نے اپنا ووٹ کاسٹ کیا، اور اس موقع پر عملہ بھی ہاتھ جوڑ کر انہیں سلام کرتا رہا۔

خبر کا کوڈ: 494833