QR Code
ڈی آئی خان، عشرہ زینبیہ (س) پرامن طور پر اختتام پذیر
7 Nov 2015 00:23
اسلام ٹائمز: بزم حسین (ع) کے زیراہتمام جامع مسجد و امام بارگاہ یاعلی (ع) میں حسب روایت عشرہ زینبیہ (س) منعقد ہوا، جس میں خطیب آل محمد (ص) مولانا منظور حسین جوادی نے خطاب کیا، اختتامی مجلس عزا کے موقع پر شبہیہ ذوالجناح برآمد کی گئی۔
اسلام ٹائمز۔ شہدا کی سرزمین ڈیرہ اسماعیل خان میں عشرہ زینبیہ (س) پرامن طور پر اختتام پذیر ہوگیا ہے۔ بزم حسین (ع) کے زیراہتمام جامع مسجد و امام بارگاہ یاعلی (ع) میں حسب روایت چودہ محرم الحرام کو عشرے کا آغاز ہوا۔ جس کے دوران خطیب آل محمد (ص) مولانا منظور حسین جوادی نے مسلسل دس دن مجلس عزا سے خطاب کیا اور معروف ماتمی سنگتوں نے ماتم عزا برپا کیا۔ اختتامی مجلس کے بعد شبہیہ ذوالجناح برآمد کی گئی۔ عشرہ زینبیہ (س) کے دوران سکیورٹی کے خصوصی انتظامات کئے گئے تھے، جبکہ مومنین و مومنات کی کثیر تعداد میں شرکت کی وجہ سے امام بارگاہ کے نزدیکی گھروں میں دور دراز سے آنیوالے مومنین کیلئے رہائش کے انتظامات کئے گئے۔ عشرہ زینبیہ (س) کے دوران نیاز و لنگر کا علاقہ مکینوں کی جانب سے خصوصی بندوبست کیا گیا تھا۔ اختتامی دعا میں زائرین کے قافلوں کی بخریت واپسی اور ملکی ترقی و امن کیلئے خصوصی دعائیں کی گئیں۔
خبر کا کوڈ: 496093