QR Code
پٹرولنگ پولیس کے 700 اہلکاروں کی الیکشن ڈیوٹی لگا دی گئی
13 Nov 2015 21:31
اسلام ٹائمز: سرگودھا میں میڈیا سے بات کرتے ہوئے ایس پی پٹرولنگ توصیف حیدر نے کہا ہے کہ انسپکٹر جنرل آف پولیس کے احکامات پر عملدرآمد کرتے ہوئے 19 نومبر کو پولیس فورسز اپنے فرائض انجام دیں گی۔
اسلام ٹائمز۔ پنجاب میں بلدیاتی انتخابات کے دوسرے مرحلے میں سیکورٹی کے فرائض انجام دینے کے لیے پنجاب ہائی وے پٹرول سرگودہا ریجن کے 700 ملازمین کی الیکشن ڈیوٹیاں لگا دی گئیں، جو الیکشن کے دوران پنجاب پولیس سے معاونت کریں گے۔ سرگودھا میں میڈیا سے بات کرتے ہوئے ایس پی پٹرولنگ توصیف حیدر نے کہا ہے کہ انسپکٹر جنرل آف پولیس، پنجاب، لاہور کے احکامات پر عملدرآمد کرتے ہوئے 19 نومبر کو ہونیوالے لوکل گورنمنٹ الیکشن کے پرامن انعقاد کی غرض سے پنجاب ہائی وے پٹرول سرگودہا ریجن کے 600 ملازمان جن میں36 ہیڈ کانسٹیبلان، جبکہ 564 کانسٹیبلان ضلع سرگودہا کے پولنگ سٹیشنز پر جبکہ 3 ہیڈ کانسٹیبلان اور 97 کانسٹیبلان ضلع میانوالی میں پولنگ سٹیشنز پر ڈیوٹی سر انجام دیں گے۔
خبر کا کوڈ: 497482