QR Code

رینجرز ریمانڈ کیبعد نیب کا ڈاکٹر عاصم حسین کو گرفتار کرنیکا فیصلہ

16 Nov 2015 22:45

اسلام ٹائمز: نجی ٹی وی چینل کی رپورٹ کے مطابق پیپلز پارٹی کے رہنما اور سابق صدر پاکستان کے دوست پر دہشت گردی کا مقدمہ بھی تیار کر لیا گیا ہے، جس سے پیپلز پارٹی اور سکیورٹی اداروں کے درمیان پھر سے کشیدگی کا امکان ہے۔

اسلام ٹائمز۔ پاکستان پیپلز پارٹی کے رہنما اور سابق صدر پاکستان آصف علی زرداری کے دیرینہ دوست ڈاکٹر عاصم کو رینجرز سے ریمانڈ ختم ہوتے ہی نیب نے گرفتار کرنے کا فیصلہ کیا ہے اور اس کی منظوری بھی لے لی گئی ہے۔ نجی ٹی وی چینل کی رپورٹ کے مطابق ڈاکٹر عاصم کا ریمانڈ پچیس نومبر کو ختم ہو رہا ہے اور آئندہ ہفتے نیب اسے گرفتار کر لے گی۔ ڈاکٹر عاصم پر زمینوں کی غیر قانونی الاٹمنٹ، پٹرولیم کمپنیوں میں اربوں روپے کی کرپشن، منی لانڈرنگ اور تین ممالک میں اثاثے بنانے کا الزام ہے۔ میڈیا رپورٹ میں دعویٰ کیا گیا ہے کہ ڈاکٹر عاصم پر دہشت گردی کا بھی مقدمہ تیار کر لیا گیا ہے، جس سے پیپلز پارٹی اور سکیورٹی اداروں کے درمیان پھر سے کشیدگی کا امکان ہے۔ یاد رہے رینجرز نے ڈاکٹر عاصم کا نوے روز کیلئے ریمانڈ لیا تھا، جس کے دوران کافی ثبوت اکٹھے کر لئے گئے ہیں اور رینجرز کو کافی شواہد مل چکے ہیں۔

خبر کا کوڈ: 498324