QR Code

کوہاٹ، سیکیورٹی فورسز کا آپریشن، 60 مشتبہ افراد گرفتار

30 Nov 2015 17:01

اسلام ٹائمز: ڈی پی او صہیب اشرف کے مطابق قریش آباد، گڑھی روف خان اور سٹی پاٹک کے قریبی علاقوں میں شدت پسندوں کے داخلے کی اطلاع پر پولیس اور سیکیورٹی فورسز نے مشترکہ آپریشن کیا۔

اسلام ٹائمز۔ کوہاٹ کے مختلف علاقوں میں پولیس اور سیکیورٹی فورسز نے مشترکہ آپریشن کرکے 60 سے زائد مشتبہ افراد کو گرفتار کرلیا۔ ڈی پی او صہیب اشرف کے مطابق قریش آباد، گڑھی روف خان اور سٹی پاٹک کے قریبی علاقوں میں شدت پسندوں کے داخلے کی اطلاع پر پولیس اور سیکیورٹی فورسز نے مشترکہ آپریشن کیا۔ سرچ آپریشن میں 2 کلاشنکوف، مختلف بور کی رائیفل،7 پستول اور کارتوس برآمد ہوا ہے جبکہ گرفتار ہونے والوں میں 2 افغان مہاجرین بھی شامل ہیں، گرفتار افراد کیخلاف تھانہ سٹی اور تھانہ کینٹ میں مقدمہ درج کرکے تفتیش شروع کردی ہے۔

خبر کا کوڈ: 501549