QR Code

کراچی آپریشن ہر صورت جاری رہیگا، ڈی جی رینجرز سندھ

12 Dec 2015 22:47

اسلام ٹائمز: رینجرز ہیڈ کوارٹر میں اعلیٰ سطح کا اجلاس ہوا، جس میں رینجرز کے سیکٹر کمانڈرز، اعلیٰ پولیس حکام اور کراچی آپریشن میں شامل دیگر حساس اداروں کے اعلیٰ حکام نے شرکت کی، اجلاس کے دوران کراچی میں دہشتگردوں، ٹارگٹ کلرز اور جرائم پیشہ افراد کیخلاف جاری آپریشن پر تفصیلی تبادلہ خیال کیا گیا۔

اسلام ٹائمز۔ ڈی جی رینجرز سندھ میجر جنرل بلال اکبر نے کہا ہے کہ کراچی میں آپریشن ہر صورت جاری رہے گا۔ ترجمان رینجرز کے مطابق رینجرز ہیڈ کوارٹر کراچی میں اعلیٰ سطح کا اجلاس ہوا، جس میں رینجرز کے سیکٹر کمانڈرز، پولیس کے اعلیٰ حکام اور کراچی آپریشن میں شامل دیگر حساس اداروں کے اعلیٰ حکام نے شرکت کی، جبکہ اجلاس کے دوران کراچی میں دہشت گردوں، ٹارگٹ کلرز اور جرائم پیشہ افراد کے خلاف جاری آپریشن پر تفصیلی تبادلہ خیال کیا گیا۔ ذرائع کے مطابق اجلاس کے دوران ڈی جی رینجرز سندھ میجر جنرل بلال اکبر نے کہا کہ کراچی میں جاری آپریشن ہر صورت جاری رہے گا۔

خبر کا کوڈ: 504588