QR Code

ملتان میں ایک گھرسے میاں بیوی اور 4 بچوں کی لاشیں برآمد

23 Dec 2015 18:12

اسلام ٹائمز: مقامی تھانے کے ایس ایچ او افضل قریشی کا کہنا ہے کہ گھرکا سربراہ محمد اشفاق محنت مزدوری کرتا تھا، اشفاق کی لاش پنکھے سے لٹکی ہوئی ملی ہے، جس سے ایسا لگتا ہے کہ اشفاق نے پہلے اپنی بیوی اور بچوں کو زہریلا کھانا کھلایا اور پھر خود بھی اپنی زندگی کا خاتمہ کرلیا۔

اسلام ٹائمز۔ ملتان کے علاقے شریف پورہ میں پولیس نے ایک گھر سے 6 افراد کی لاشیں برآمد کی ہیں۔ جن میں ایک مرد، عورت اور 4 بچے شامل ہیں۔ اہل علاقہ نے لاشوں کی شناخت محمد اشفاق، اس کی بیوی نسیم مائی، بیٹے 14 سالہ عنصر، بیٹی 3 سالہ فاطمہ، 5 سالہ علیزا اور 6 سالہ علیشا کے نام سے ہوئی ہے۔ مقامی تھانے کے ایس ایچ او افضل قریشی کا کہنا ہے کہ گھر کا سربراہ محمد اشفاق محنت مزدوری کرتا تھا، اشفاق کی لاش پنکھے سے لٹکی ہوئی ملی ہے، جس سے ایسا لگتا ہے کہ اشفاق نے پہلے اپنی بیوی اور بچوں کو زہریلا کھانا کھلایا اور پھر خود بھی اپنی زندگی کا خاتمہ کرلیا۔ تاہم واقعہ قتل ہے یا خود کشی اس کی دونوں پہلووں پر تفتیش کی جا رہی ہے۔

خبر کا کوڈ: 507332