QR Code

مک مکا کی سیاست کا خاتمہ کریں گے، بیرسٹر سلطان

31 Dec 2015 12:23

اسلام ٹائمز: سردار عابد خان کی ساتھیوں سمیت کشمیر پی ٹی آئی میں شمولیت کے موقع پر منعقدہ تقریب سے خطاب کرتے ہوئے ان کا کہنا تھا کہ آزاد کشمیر کے آئندہ انتخابات میں پیپلز پارٹی اور مسلم لیگ (ن) کا نام و نشان نہیں رہے گا۔

اسلام ٹائمز۔ تحریک انصاف آزاد کشمیر کے صدر بیرسٹر سلطان محمود چوہدری نے کہا ہے کہ تحریک انصاف آزاد کشمیر کی سب سے بڑی عوامی قوت بن چکی ہے، عوام کی بھرپور شمولیت سے ثابت ہو رہا ہے کہ پیپلز پارٹی اور مسلم لیگ (ن) کا آزاد کشمیر کے آئندہ انتخابات میں نام و نشان نہیں رہے گا۔ ان خیالات کا اظہار انھوں نے یہاں اپنی رہائشگاہ پر کرنل (ر) ہدایت اللہ کے صاحبزادے سردار عابد خان کی ساتھیوں سمیت کشمیر پی ٹی آئی میں شمولیت کے موقع پر منعقدہ تقریب سے خطاب کرتے ہوئے کیا۔ بیرسٹر سلطان کا کہنا تھا کہ آزاد خطہ سے مک مکا کی سیاست کا خاتمہ کر کے دم لیں گے، عوام کو اب دھوکہ نہیں دیا جا سکتا۔

خبر کا کوڈ: 509269