QR Code
ڈی آئی خان، مسلح افراد کی فائرنگ سے 43 سالہ سید احمد جاں بحق
30 Jan 2016 15:11
اسلام ٹائمز: تحصیل کلاچی کے علاقے لونی میں دو مسلح افراد نے نامعلوم وجوہات پہ فائرنگ کرکے 43 سالہ سید احمد ولد غوث محمد کو قتل کرڈالا، پولیس نے مقدمہ درج کرکے تفتیش کا آغاز کردیا ہے۔
اسلام ٹائمز۔ ڈیرہ اسماعیل خان کی تحصیل کلاچی کے علاقہ لونی میں نامعلوم وجوہات کی بناء پر 43 سالہ سید احمد کو فائرنگ کرکے قتل کر دیا گیا۔ تھانہ کلاچی کی حدود میں واقع علاقہ لونی میں نامعلوم وجوہات کی بناء پر 43 سالہ سید احمد ولد غوث محمد کو فائرنگ کرکے قتل کر دیا گیا۔ تھانہ کلاچی میں مقتول کے بھائی گل بت خان نے اس واقعہ کی دعویداری جمعہ خان ولد شیر خان سکنہ لونی پر قتل کی دفعہ کے تحت درج کرا دی ہے۔ دوسرے واقعہ میں تھانہ گومل یونیورسٹی کی حدود میں آڑہ مائنر سے نامعلوم شخص کی نعش برآمد ہوئی ہے، جس کو آتشیں اسلحہ سے قتل کیا گیا تھا، اور بعد میں لاش کو جلانے کی کوشش کی گئی تھی۔ پولیس نے ان دونوں واقعات کی الگ الگ رپورٹ درج کرلی ہیں۔
خبر کا کوڈ: 516533