QR Code

بھارتی جوہری پروگرام کیلئے عالمی حمایت ہمیں ایٹمی پروگرام بڑھانے پر مجبور کر رہی ہے،پاکستان

27 Jan 2011 14:54

اسلام ٹائمز:تخفیف اسلحہ کانفرنس2011ء کے افتتاحی اجلاس سے خطاب کرتے ہوئے پاکستانی مندوب ضمیر اکرم نے بھارت کو نیوکلیئر سپلائی گروپ اور دیگر اداروں میں شامل کرنے کی کوششوں پر شدید تنقید کی

جنیوا:اسلام ٹائمز-پاکستان نے کہا ہے کہ بھارت کے جوہری پروگرام کی بڑھتی عالمی حمایت پاکستان کو کم سے کم ایٹمی صلاحیت میں اضافے پر مجبور کر دے گی۔ تخفیف اسلحہ کانفرنس2011ء کے افتتاحی اجلاس سے خطاب کرتے ہوئے پاکستانی مندوب ضمیر اکرم نے بھارت کو نیوکلیئر سپلائی گروپ اور دیگر اداروں میں شامل کرنے کی کوششوں پر شدید تنقید کی۔ عالمی برادری کے اس اقدام سے بھارت جوہری مواد کی تجارت کر سکے گا۔ ضمیر اکرم نے واضح کیا کہ اس کوشش سے نہ صرف جوہری ہتھیاروں کے عدم پھیلاو کے معاہدے کو نقصان پہنچے گا بلکہ جنوبی ایشیا میں بھی عدم استحکام آئے گا۔ ان حالات میں پاکستان بھی اپنی کم سے کم جوہری صلاحیت یقینی بنانے کے لئے اقدامات پر مجبور ہو گا۔ ضمیر اکرم نے واضح کیا کہ پاکستان نئے ایٹم بم بنانے کا مواد تیار کرنے کے لئے بات چیت کی مخالفت کے موقف پر قائم ہے۔

خبر کا کوڈ: 52173