QR Code

مردم شماری نہ کرانا نواز حکومت کی بڑی ناکامی ہوگی، خورشید شاہ

2 Mar 2016 21:32

اسلام ٹائمز: سکھر میں میڈیا سے بات چیت کرتے ہوئے پیپلز پارٹی کے سینئر رہنما نے کہا کہ سیاست کو پارلیمنٹ کی طرف جانا چاہیے، کیونکہ پارلیمنٹ مستحکم ہوگی تو ہر ادارہ مستحکم ہو جائے گا، لیکن یہ حکومت کی ناکامی ہے، جو پارلیمنٹ کو نظر انداز کر رہی ہے۔

اسلام ٹائمز۔ پیپلز پارٹی کے سینئر رہنما اور قومی اسمبلی میں قائد حزب اختلاف سید خورشید شاہ نے کہا ہے کہ مردم شماری اسی سال کرانی چاہیے، کیونکہ مردم شماری نہ کرانا حکومت کی بڑی ناکامی ہوگی۔ سکھر میں میڈیا سے بات چیت کرتے ہوئے سید خورشید شاہ نے کہا کہ سیاست کو پارلیمنٹ کی طرف جانا چاہیے، کیونکہ پارلیمنٹ مستحکم ہوگی تو ہر ادارہ مستحکم ہو جائے گا، لیکن یہ حکومت کی ناکامی ہے، جو پارلیمنٹ کو نظر انداز کر رہی ہے۔ انہوں نے کہا کہ مردم شماری اسی سال کرانی چاہیے، کیونکہ مردم شماری نہ کرانا حکومت کی بڑی ناکامی ہوگی، جبکہ حکومت عقل کل سمجھتی ہے، اور مسائل بتانے کیلئے تیار نہیں ہے۔ خورشیدشاہ نے کہا کہ پیٹرول پر 8 روپے کم کر دیئے گئے، لیکن ڈیزل کی قیمت کم ہو تو قیمتوں پر اثر پڑے، لہٰذا ڈیزل بھی سستا کیا جانا چاہیے، اور اس کی قیمت کم از کم 15 روپے فی لیٹر کم ہونی چاہیے۔ ان کا کہنا تھا کہ عام آدمی کو خوش کرنے کیلئے صرف پیٹرول سستا کیا گیا، تاہم پیٹرول کی قیمتوں میں کمی کا فائدہ شہریوں تک پہنچایا جائے۔

خبر کا کوڈ: 525105