اسلام ٹائمز - قلعہ عبداللہ، بارود سے بھری گاڑی برآمد

اسلام ٹائمز: ایف سی ترجمان کے مطابق بارود سے بھری گاڑی کو کوئٹہ میں دہشت گردی کے لئے استعمال کیا جانا تھا، گرفتار دہشت گرد کو تفتیش کے لئے خفیہ مقام پر منتقل کر دیا گیا ہے۔

اسلام ٹائمز۔ ایف سی نے قلعہ عبداللہ کے علاقے گلستان میں کاروائی کے دوران دہشت گردی کا منصوبہ ناکام بنا کر بارود سے بھری گاڑی برآمد کر کے ایک دہشت گرد کو گرفتار کر لیا۔ ترجمان ایف سی بلوچستان کے مطابق کاروائی ضلع قلعہ عبداللہ کے علاقے گلستان میں عمل میں لائی گئی، جہاں ایک کمپاؤنڈ پر چھاپہ مار کر بارود سے بھری گاڑی کو قبضے میں لیکر ایک مبینہ دہشت گرد کو گرفتار کیا گیا ہے۔ ترجمان کا کہنا ہے کہ بارود سے بھری گاڑی کو کوئٹہ میں دہشت گردی کے لئے استعمال کیا جانا تھا، گرفتار دہشت گرد کو تفتیش کے لئے خفیہ مقام پر منتقل کر دیا گیا ہے۔