QR Code

وزیراعلٰی جی بی کی سنکیانگ حکومت سے لینڈسلائیڈنگ کے باعث پھنسنے والوں کی رہائش کا بندوبست کرنیکی درخواست

10 Apr 2016 23:11

اسلام ٹائمز: صوبائی حکومت کے سربراہ نے کہا ہے کہ نیشنل ہائی وے اتھارٹی کو کہا گیا ہے کہ فوری طور پر بھاری مشینری کو بالائی ہنزہ کی طرف روانہ کر کے شاہراہ قراقرم کو ٹر یفک کیلئے جلد ازجلد کھول دیا جائے۔

اسلام ٹائمز۔ وزیراعلٰی گلگت بلتستان حفیظ الرحمٰن نے ہمسایہ ملک چین کے صوبہ سنکیانگ کی حکومت سے رابطہ کرکے بارشوں اور لینڈسلائیڈنگ کے باعث پھنسے والے گلگت بلتستان کے شہریوں کی رہائش اور کھانے پینے کا بندوبست کرنے کی درخوا ست کی ہے۔ دوسری جانب نیشنل ہائی وے اتھارٹی کو کہا گیا ہے کہ فوری طور پر بھاری مشینری کو بالائی ہنزہ کی طرف روانہ کر کے شاہراہ قراقرم کو ٹر یفک کیلئے جلد ازجلد کھول دیا جائے تاکہ پھنسے ہوئے مسافرین فوری طور پر اپنی منزل مقصود تک پہنچ پائیں۔ وزیراعلٰی گلگت بلتستان نے میڈیا رپوٹس پر نوٹس لیتے ہوئے فوری طور پر فارن آفس سے بھی رابطہ کیا ہے اور صورتحال سے آگاہ کرتے ہوئے کاشغر اور صوبہ سنکیانگ کے دیگر علاقوں میں پھنس کر رہ جانے والے گلگت بلتستان کے رہائشیوں کو سہولیات زندگی پہنچانے کو کہا ہے۔

خبر کا کوڈ: 532680