QR Code

حکمرانوں نے اپنا قبلہ درست نہ کیا تو جیل کی سلاخیں ان کا انتظار کر رہی ہیں، شیخ خرم شہزاد

26 Apr 2016 23:01

اسلام ٹائمز: پی ٹی آئی کے رکن صوبائی اسمبلی کا فیصل آباد میں میڈیا سے گفتگو کرتے ہوئے کہنا تھا کہ پاکستان کے عوام کرپٹ حکمرانوں سے تنگ آ چکے ہیں، تحریک انصاف عوامی طاقت کے ذریعے تمام کرپٹ حکمرانوں کا احتساب کرے گی۔

اسلام ٹائمز۔ پاکستان تحریک انصاف فیصل آباد کے رہنما اور ممبر صوبائی اسمبلی پنجاب شیخ خرم شہزاد نے صحافیوں سے گفتگو کرتے ہوئے کہا ہے کہ یوم تاسیس کے موقع پر عوامی طاقت نے حکمرانوں کو پریشان کر دیا ہے۔ پی ٹی آئی کے رکن صوبائی اسمبلی کا فیصل آباد میں میڈیا سے گفتگو کرتے ہوئے کہنا تھا کہ پاکستان کے عوام کرپٹ حکمرانوں سے تنگ آ چکے ہیں،تحریک انصاف عوامی طاقت کے ذریعے تمام کرپٹ حکمرانوں کا احتساب کرے گی۔ انہوں نے کہا کہ لاکھوں کی تعداد میں پی ٹی آئی کارکنان نے حکمرانوں کو بتا دیا ہے کہ اگر انہوں نے اپنا قبلہ درست نہ کیا تو جیل کی سلاخیں ان کا انتظار کر رہی ہیں۔ انہوں نے کہا کہ تحریک انصاف عوام کی آواز بن چکی ہے اور عوام موجودہ حکمرانوں سے نجات چاہتے ہیں۔

خبر کا کوڈ: 535422