QR Code

سرگودھا موٹروے پر پولیس کی کارروائی، 2 دہشتگرد گرفتار، اسلحہ برآمد

25 May 2016 16:29

اسلام ٹائمز: انٹیلی جنس اطلاعات پر سرگودھا پولیس نے موٹر وے پہ مشتبہ موٹرکار کو روک کر اس کی تلاشی لی تو گاڑی کے خفیہ خانوں سے بھاری مقدار میں اسلحہ برآمد ہوا، پولیس نے گاڑی میں سوار دو ملزمان کو گرفتار کرلیا ہے۔

اسلام ٹائمز۔ پولیس نے کارروائی کرتے ہوئے سرگودھا موٹر وے پر کار سے بھاری مقدار میں اسلحہ برآمد کر کے دو مبینہ دہشت گردوں کو گرفتار کر لیا۔ میڈیا رپورٹ کے مطابق سرگودھا پولیس نے موٹر وے پر کارروائی کرتے ہوئے کار کے خفیہ خانوں سے 2 کلاشنکوف، 9 ریپیٹرز، 25 پسٹل، 9 ایم ایم اور ہزاروں گولیاں برآمد کرلیں۔ ڈی پی اوسرگودھا کا کہنا ہے کہ ملزمان نے کار کا ٹائر برسٹ کرکے ٹرک میں لوڈ کر رکھی تھی، جس کے خفیہ خانوں میں اسلحہ چھپایا ہوا تھا، جسےخبیر پختونحوا سے موٹر وے کے راستے سرگودھا لایا جا رہا تھا، تاہم تلاشی لینے پر برآمد ہونے والے غیر قانونی اسلحہے کو قبضے میں لے کر دو ملزمان کو بھی حراست میں لے لیا گیا۔ ان کا مزید کہنا تھا کہ ملزمان کے خلاف غیر قانونی اسلحہ رکھنے کے جرم میں مقدمہ درج کر لیا گیا ہے اور ان سے مزید تفتیش جاری ہے۔

خبر کا کوڈ: 541030