QR Code

دھاندلی کی پیداوار موجودہ حکومت کا 3 سالہ دور اقتدار ملکی تاریخ کا سیاہ ترین دور کہلائے گا، فیصل جاوید گھمن

1 Jun 2016 09:28

اسلام ٹائمز: سرگودہا میں میڈیا سے گفتگو کرتے ہوئے پی ٹی آئی کے رہنما کا کہنا تھا کہ داخلہ و خارجہ پا لیسیاں ناکام، لوڈشیڈنگ ختم کرنے کے وعدے بھی پو رے نہ کر سکے۔ انہوں نے کہا کہ مہنگائی، کرپشن، کرائم ریٹ میں اضافے کے باعث ہر شہری پریشان ہے۔

اسلام ٹائمز۔ پاکستان تحریک انصاف سرگودہا کے رہنما چوہدری فیصل جاوید گھمن نے کہا میڈیا سے بات چیت کرتے ہوئے کہا ہے کہ نااہل حکمرانوں نے عوام کا جینا دوبھر کر ڈالا ہے۔ سرگودہا میں میڈیا سے گفتگو کرتے ہوئے کہنا تھا کہ داخلہ و خارجہ پا لیسیاں ناکام، لوڈشیڈنگ ختم کرنے کے وعدے بھی پو رے نہ کر سکے۔ انہوں نے کہا کہ مہنگائی، کرپشن، کرائم ریٹ میں اضافے کے باعث ہر شہری پریشان ہے، غربت اور بے روزگاری کے باعث نوجوان خودکشیاں کرنے پر مجبور ہیں۔ انہوں نے مزید کہا کہ دھاندلی کی پیداوار موجودہ حکومت کا 3 سالہ دور اقتدار ملکی تاریخ کا سیاہ ترین دور کہلائے گا۔

خبر کا کوڈ: 542593