QR Code

17 جون کو پارٹی کے یوم تاسیس میں لاکھوں کارکنان شرکت کریں گے، خرم نواز گنڈا پور

4 Jun 2016 16:40

اسلام ٹائمز: سرگودہا میں خطاب کرتے ہوئے پاکستان عوامی تحریک کے رہنما کا کہنا تھا کہ علامہ طاہر القادری آئندہ چند روز میں وطن واپس آ رہے ہیں جو عوامی تحریک کے یوم تاسیس کی تقریب میں ہر صورت شرکت کریں گے۔

اسلام ٹائمز۔ پاکستان عوامی تحریک کے مرکزی سیکرٹری جنرل خرم نواز گنڈا پور اور صوبائی صدر شمالی پنجاب بریگیڈیئر (ر) مشتاق ﷲ نے سرگودہا میں تقریب سے خطاب کرتے ہوئے کہا ہے کہ 17جون کو پارٹی کے یوم تاسیس میں لاکھوں کارکنان شرکت کریں گے۔ انہوں نے کہا کہ پاکستان عوامی تحریک کی تاریخ شہادتوں سے بھری پڑی ہے، کارکنان نے اپنے قائد یا مشن سے بے وفائی نہیں کی، ہم باوفا لوگ ہیں، آئندہ بھی اپنے مشن کو بھرپور طریقے سے جاری رکھیں گے۔ انہوں نے کہا کہ علامہ طاہر القادری آئندہ چند روز میں وطن واپس آ رہے ہیں جو عوامی تحریک کے یوم تاسیس کی تقریب میں ہر صورت شرکت کریں گے۔

خبر کا کوڈ: 543213