QR Code

گورنر پنجاب رفیق رجوانہ پر دہشتگردانہ حملے کی منصوبہ بندی کا انکشاف

6 Jun 2016 17:30

اسلام ٹائمز: باوثوق ذرائع نے "اسلام ٹائمز" کو بتایا کہ دہشتگردوں کی جانب سے گورنر پنجاب کو نشانہ بنانے کی منصوبہ بندی کئے جانے کا انکشاف ہوا ہے۔ ذرائع کے مطابق دہشتگردوں نے لیہ کے علاقہ انگورا گوٹ فارم میں اس حملے کی منصوبہ بندی کی اور حملے کی تیاریاں کر رہے تھے کہ سی ٹی ڈی کو اطلاع مل گئی۔ سی ٹی ڈی نے کارروائی کرکے 6 دہشتگردوں کو سخت مقابلے کے بعد مار دیا جبکہ 2 دہشتگرد وہاں سے فرار ہونے میں کامیاب ہو گئے۔

اسلام ٹائمز۔ گورنر پنجاب محمد رفیق رجوانہ پر دہشتگردانہ حملوں کی اطلاعات کے بعد ان کی نقل و حرکت کم کر دی گئی ہے اور سکیورٹی ادروں نے انہیں تقریبات میں بھی شرکت سے روک دیا ہے۔ باوثوق ذرائع نے "اسلام ٹائمز" کو بتایا کہ دہشتگردوں کی جانب سے گورنر پنجاب کو نشانہ بنانے کی منصوبہ بندی کئے جانے کا انکشاف ہوا ہے۔ ذرائع کے مطابق دہشتگردوں نے لیہ کے علاقہ انگورا گوٹ فارم میں اس حملے کی منصوبہ بندی کی اور حملے کی تیاریاں کر رہے تھے کہ سی ٹی ڈی کو اطلاع مل گئی۔ سی ٹی ڈی نے کارروائی کرکے 6 دہشتگردوں کو سخت مقابلے کے بعد مار دیا جبکہ 2 دہشتگرد وہاں سے فرار ہونے میں کامیاب ہو گئے۔ ذرائع کا کہنا ہے کہ فرار ہونیوالے دہشتگردوں کے حوالے سے سکیورٹی اداروں کو خدشہ ہے کہ وہ گورنر پنجاب محمد رفیق رجوانہ کو نشانہ بنا سکتے ہیں، اسی خطرے کے پیش نظر گورنر پنجاب کی نقل و حرکت بھی انتہائی محدود کر دی گئی ہے اور وہ کئی روز سے اپنے آبائی گھر ملتان بھی نہیں جا سکے۔ ذرائع کے مطابق سکیورٹی ادارے انگورا گوٹ فارم سے فرار ہونیوالے 2 دہشتگردوں کو تلاش کر رہے ہیں۔

خبر کا کوڈ: 543703