اسلام ٹائمز - اورلینڈو حملہ آور کا داعش سے تعلق کا ثبوت نہیں ملا، باراک اوباما

اورلینڈو حملہ آور کا داعش سے تعلق کا ثبوت نہیں ملا، باراک اوباما

اسلام ٹائمز: امریکی صدر کا کہنا تھا کہ اورلینڈو کے نائٹ کلب میں فائرنگ کرنے والا عمر متین انٹرنیٹ پر دستیاب انتہا پسندانہ معلومات سے متاثر ہوا تھا تاہم اس مرحلے پر ہمیں ایسا کوئی ثبوت نہیں ملا جس سے یہ پتا چلے کہ اسے باہر سے ہدایات جاری کی جارہی تھیں یا اس کا تعلق داعش سے تھا۔

اسلام ٹائمز۔ اورلینڈو میں ہم جنس پرستوں کے نائٹ کلب پر حملہ کرنے والے ملزم عمر متین کے حوالے سے امریکی صدر باراک اوباما کا کہنا ہے کہ نائٹ کلب پر حملہ کرنے والے ملزم کا داعش سے تعلق کا کوئی ثبوت نہیں ملا۔ غیر ملکی خبر رساں ادارے کے مطابق اتوار کو اورلینڈو میں ہم جنس پرستوں کے نائٹ کلب پر ہونے والے حملے کے بعد امریکی تحقیقاتی ادارے ایف بی آئی کے ڈائریکٹر جیمس کومی نے امریکی صدر باراک اوباما کو حملے سے متعلق بریفنگ دی، جس کے بعد میڈیا سے بات کرتے ہوئے امریکی صدر کا کہنا تھا کہ اورلینڈو کے نائٹ کلب میں فائرنگ کرنے والا عمر متین انٹرنیٹ پر دستیاب انتہا پسندانہ معلومات سے متاثر ہوا تھا تاہم اس مرحلے پر ہمیں ایسا کوئی ثبوت نہیں ملا جس سے یہ پتا چلے کہ اسے باہر سے ہدایات جاری کی جارہی تھیں یا اس کا تعلق داعش سے تھا، البتہ حملہ آور نے آخری منٹ میں پولیس کو فون کر کے بظاہر داعش سے تعلق کا اعلان کیا تھا۔