QR Code
کوئٹہ، دہشتگردوں کی فائرنگ سے دو پولیس اہلکار جاں بحق
28 Jun 2016 18:59
اسلام ٹائمز: سریاب روڈ پر کچی شاہوانی کے قریب نامعلوم دہشت گردوں نے پولیس موبائل پر فائرنگ کی، جس کی زد میں آکر دو پولیس اہلکار جاں بحق ہوگئے، دہشتگرد فائرنگ کے بعد فرار ہوگئے۔
اسلام ٹائمز۔ بلوچستان کے صوبائی دارالحکومت کوئٹہ میں فائرنگ سے دو پولیس اہلکار جاں بحق ایک زخمی ہوگیا ہے۔ میڈیا رپورٹس کے مطابق کوئٹہ کے علاقے سریاب روڈ پر کچی شاہوانی کے قریب نامعلوم افراد نے پولیس موبائل پر فائرنگ کر دی، جس کے نتیجے میں دو پولیس اہلکار جاں بحق اور ایک زخمی ہو گیا۔ حملہ آور موٹرسائیکل پر سوار تھے اور حملے کے بعد فرار ہونے میں باآسانی کامیاب ہوگئے۔ ریسکیو ذرائع کا کہنا ہے کہ جاں بحق اور زخمی اہلکاروں کو ہسپتال منتقل کردیا گیا ہے، جہاں اس کا علاج جاری ہے۔ پولیس نے جائے وقوعہ پر پہنچ کر تفتیش کا آغاز کردیا ہے۔
خبر کا کوڈ: 549352