QR Code

پاک چین اقتصادی راہداری منصوبے سے گوادر صنعتی زون کے قیام سے غیر ملکی سرمایہ کاری میں اضافہ ہو گا، میاں طاہر جمیل

2 Aug 2016 09:14

اسلام ٹائمز: فیصل آباد میں میڈیا سے بات چیت کرتے ہوئے پی ایم ایل این کے رکن صوبائی اسمبلی کا کہنا تھا کہ راہداری منصوبہ کی تکمیل سے عوام کے لئے روزگار اور کاروبار کے بے شمار مواقع پیدا ہوں گے، ملکی برآمدات میں اضافہ ہو گا، جبکہ نئی منڈیاں ملیں گی اور تجارت کو فروغ حاصل ہو گا۔

اسلام ٹائمز۔ پاکستان مسلم لیگ ن فیصل آباد کے رہنما اور رکن پنجاب اسمبلی میاں طاہر جمیل نے میڈیا سے گفتگو کرتے ہوئے کہا ہے کہ پاک چین اقتصادی راہداری منصوبے سے امید کی کرن پیدا ہوئی ہے، جس کے باعث پاکستان دنیا کے نقشے پر ایک مستحکم اور خوشحال ریاست کے طور پر جانا جائے گا۔ فیصل آباد میں میڈیا سے بات چیت کرتے ہوئے پی ایم ایل این کے رکن صوبائی اسمبلی کا کہنا تھا اس منصوبہ کی تکمیل سے عوام کے لئے روزگار اور کاروبار کے بے شمار مواقع پیدا ہوں گے، ملکی برآمدات میں اضافہ ہو گا، جبکہ نئی منڈیاں ملیں گی اور تجارت کو فروغ حاصل ہو گا۔ انہوں نے کہا کہ اقتصادی راہداری منصوبہ میں شامل گوادر صنعتی زون میں 300 سے زائد صنعتی یونٹس کے قیام سے غیر ملکی سرمایہ کاری میں اضافہ ہو گا۔

خبر کا کوڈ: 557071