QR Code

پانامہ لیکس کا فیصلہ ٹی او آرز کے ذریعے نہیں بلکہ عوام کی عدالت میں ہو گا، چوہدری فاروق سعید

28 Aug 2016 08:54

اسلام ٹائمز: خوشاب میں تقریب سے خطاب کرتے ہوئے سابق وفاقی وزیر نے کہا کہ پیپلزپارٹی جمہوری روایات کی امین ہے اور اس نے ہر دور میں جمہوریت اور جمہوری اداروں کے استحکام کے لئے اپنا کردار ادا کیا ہے، اب بھی جمہوریت کے خلاف کوئی سازش کامیاب نہیں ہونے دے گی۔

اسلام ٹائمز۔ پاکستان پیپلزپارٹی کے رہنما اور سابق وفاقی وزیر چوہدری فاروق سعید نے خوشاب میں تقریب سے خطاب کرتے ہوئے کہا ہے کہ پیپلزپارٹی کے نوجوان قائد بلاول بھٹو زرداری نے مفاہمت کی سیاست کو خیرآباد کہہ دیا ہے۔ خوشاب میں تقریب سے خطاب کرتے ہوئے سابق وفاقی وزیر نے کہا کہ اب پانامہ لیکس کا فیصلہ ٹی او آرز کی بجائے عوام کی عدالت میں ہو گا۔ انکا کہنا تھا کہ پیپلزپارٹی جمہوری روایات کی امین ہے اور اس نے ہر دور میں جمہوریت اور جمہوری اداروں کے استحکام کے لئے اپنا کردار ادا کیا ہے، اب بھی جمہوریت کے خلاف کوئی سازش کامیاب نہیں ہونے دے گی، پارٹی کے تمام فیصلے کارکنوں کی ترجیحات کے مطابق کئے جائیں گے۔

خبر کا کوڈ: 563666