QR Code

کشمیر پر بلائے گئے پارلیمنٹ کے مشترکہ اجلاس میں ارکان نے عدم دلچسپی لی، فافن رپورٹ

9 Oct 2016 01:08

اسلام ٹائمز: غیرسرکاری تنظیم فافن کی جانب سے جاری کئے گئے اعداد و شمار کے مطابق پارلیمنٹ کے مشترکہ اجلاس کے آخری روز کی کارروائی ایک گھنٹہ انچاس منٹ تک جاری رہی۔ اجلاس کے آغاز پر 120 اور اختتام پر 85 ارکان موجود تھے۔

اسلام ٹائمز۔ مسئلہ کشمیر پر بلائے گئے پارلیمنٹ کے اجلاس کی کارروائی میں ارکان کی عدم دلچسپی واضح طور پر نظر آئی۔ اجلاس کے آغاز پر 87 فیصد اور اختتام پر صرف 19 فیصد ارکان ایوان میں موجود تھے۔ غیرسرکاری تنظیم فافن کی جانب سے جاری کئے گئے اعداد و شمار کے مطابق پارلیمنٹ کے اجلاس کے آخری روز کی کارروائی ایک گھنٹہ انچاس منٹ تک جاری رہی۔ اجلاس کے آغاز پر 120 اور اختتام پر 85 ارکان موجود تھے۔ چیئرمین اور ڈپٹی چیئرمین سینیٹ نے اجلاس کے آخری روز کی کارروائی میں شرکت نہیں کی، وزیراعظم نواز شریف بھی اجلاس میں نہیں آئے۔ سینیٹ اور قومی اسمبلی میں اپوزیشن لیڈر اجلاس کی کارروائی میں شریک تھے۔

خبر کا کوڈ: 573923