اسلام ٹائمز۔ ہیئت آئمہ مساجد امامیہ پاکستان کے مرکزی صدر مولانا محمد حسین مسعودی نے کہا کہ بھارتی جارحیت، دھمکیوں اور شر انگیزیوں سے مرعوب ہونے والے نہیں، اس وقت پاکستانی قوم پوری طرح متحد اور افواج پاکستان کے شانہ بشانہ ہر جارحیت کا مقابلہ کرنے کیلئے تیار ہے۔ فیڈرل بی ایریا میں علماء و معززین کی مشترکہ نشست سے خطاب کے دوران انہوں نے کہا کہ قوم کا بچہ بچہ وطن کے دفاع کیلئے تیار ہے اور ملک کی سلامتی، بقاء کیلئے ہر قسم کی قربانی دی جائیگی، بھارت یا افغانستان نے ملک کی طرف میلی نگاہ سے دیکھا تو اسے کسی صورت میں برداشت نہیں کرینگے کیونکہ اس وقت بھارتی حکومت بین الاقوامی قوانین کی خلاف ورزی پر اتر آئی ہے اور ورکنگ باؤنڈری کی خلاف ورزیاں، کشمیر میں نہتے مسلمانوں کا قتل عام سے خطے میں بد امنی کی فضاء قائم ہے جس کے خاتمے کیلئے اقوام متحدہ اور عالمی برادری نے کردار ادا کرنا ہوگا۔

اسلام ٹائمز