QR Code

سندھ کے تعلیمی اداروں میں یومِ اقبالؒ کی مناسبت سے 9 نومبر کو تعطیل کا اعلان

8 Nov 2016 14:01

اسلام ٹائمز: اسکولوں اور کالجز کی انتظامیہ کو ہدایت بھی دی گئی ہے کہ موجودہ حالات کی روشنی میں مصور پاکستان علامہ اقبالؒ اور بانی پاکستان قائداعظم محمد علی جناحؒ کے افکارکی ترویج کیلئے خصوصی تقاریب کا اہتمام کیا جائے۔

اسلام ٹائمز۔ محکمہ تعلیم سندھ نے یوم اقبالؒ کی مناسبت سے 9 نومبر کو تعطیل کا اعلان کیا ہے، جس کا اطلاق تمام نجی، نیم سرکاری اور سرکاری تعلیمی اداروں پر ہوگا۔  تفصیلات کے مطابق کل 9 نومبر بروزبدھ کو شاعر مشرق اور مصور پاکستان علامہ محمد اقبالؒ کے یوم پیدائش کی مناسبت سے صوبے بھر کے سرکاری، نیم سرکاری اور نجی تعلیمی ادارے بند رہیں گے۔ تعلیمی اداروں میں تعطیل کا فیصلہ محکمہ تعلیم کے قائمہ کمیٹی کے اجلاس میں کئے گئے فیصلے کی روشنی میں کیا گیا ہے۔ اسکولوں اور کالجز کی انتظامیہ کو ہدایت بھی دی گئی ہے کہ موجودہ حالات کی روشنی میں مصور پاکستان علامہ اقبالؒ اور بانی پاکستان قائداعظم محمد علی جناحؒ کے افکارکی ترویج کیلئے خصوصی تقاریب کا اہتمام کیا جائے۔

خبر کا کوڈ: 581969