QR Code
پاک افغان سرحد پر تاریخ میں پہلی بار پرچم اتارنے کی تقریب کا انعقاد
19 Nov 2016 20:47
اسلام ٹائمز: چمن کے مقام پر پاک افغان بارڈر پر واقع باب دوستی پر ایف سی سکاؤٹس نے پہلی بار پرچم اتارنے کی تقریب منعقد کی۔ سدرن کمان کے کمانڈر بریگیڈئر ندیم سہیل، ایف سی چمن سکاؤٹس کے کرنل عثمان، ڈپٹی کمشنر قیصر خان اور قبائلی عمائدین سمیت اعلیٰ حکام نے شرکت کی۔
اسلام ٹائمز۔ پاک افغان سرحد پر واقع باب دوستی پر تاریخ میں پہلی بار پرچم اتارنے کی تقریب منعقد کی گئی، جس میں قبائلی عمائدین اور شہریوں کی بڑی تعداد نے شرکت کی۔ چمن کے مقام پر پاک افغان بارڈر پر واقع باب دوستی پر ایف سی سکاؤٹس نے پہلی بار پرچم اتارنے کی تقریب منعقد کی۔ سدرن کمان کے کمانڈر بریگیڈئر ندیم سہیل، ایف سی چمن سکاؤٹس کے کرنل عثمان، ڈپٹی کمشنر قیصر خان اور قبائلی عمائدین سمیت اعلیٰ حکام نے شرکت کی۔ تقریب کا باقاعدہ آغاز تلاوت کلام پاک اور قومی ترانہ سے کیا گیا جس کے بعد باب دوستی گیٹ سے قومی پرچم کو اتارا گیا۔ تقریب کے موقع پر سکیورٹی کے سخت انتظامات کئے گئے تھے۔
خبر کا کوڈ: 585091