QR Code
مسلم لیگ(ق )کے سربراہ چوہدری شجاعت حسین کی ایم کیو ایم کے قائد الطاف حسین سے ٹیلی فون پر گفتگو
15 Mar 2011 03:11
اسلام ٹائمز:دونوں رہنماؤں کے درمیان ملک وقوم کی ترقی اور عوامی مسائل کے حل کیلئے مستقبل میں رابطے جاری رکھنے پر اتفاق،اس موقع پر چوہدری شجاعت حسین نے الطاف حسین کو صدر مملکت سے کی جانے والی ملاقات کی تفصیل سے بھی آگاہ کیا
کراچی:اسلام ٹائمز-مسلم لیگ (ق) کے سربراہ چوہدری شجاعت حسین نے متحدہ قومی موومنٹ کے قائد الطاف حسین سے ٹیلی فون پر بات چیت کی، جس میں ملک کی مجموعی سیاسی ومعاشی صورتحال، عوامی مسائل، جمہوری اداروں کے استحکام اور باہمی دلچسپی کے دیگر امور پر تبادلہ خیال ہوا۔ دونوں رہنماؤں کے درمیان جمہوریت کے فروغ، قانون کی بالادستی، آئین کی حکمرانی اور عوامی مسائل کے حل کیلئے مختلف تجاویز پر تبادلہ خیال ہوا۔ اس موقع پر چوہدری شجاعت حسین نے الطاف حسین کو صدر مملکت سے کی جانے والی ملاقات کی تفصیل سے بھی آگاہ کیا۔ دونوں رہنماؤں کے درمیان ملک وقوم کی ترقی اور عوامی مسائل کے حل کیلئے مستقبل میں رابطے جاری رکھنے پر بھی اتفاق کیا گیا۔ اس موقع پر مسلم لیگ (ق) کے سیکریٹری جنرل مشاہد حسین سید اور مسلم لیگی رہنماء سردار یار محمد رند نے بھی جناب الطاف حسین سے گفتگو کی۔
خبر کا کوڈ: 59562