QR Code
ہم اور ہماری پارٹی وطن عزیز میں جمہوریت کی مضبوطی کیلئے کوشاں ہیں، سید محمد رضا
28 Jan 2017 05:33
بلوچستان اسمبلی کے رکن کا کہنا تھا کہ ہم اپنے نو منتخب صوبائی سیکرٹری جنرل علامہ برکت علی بلوچ کیساتھ بھرپور تعاون کرکے انکے ہاتھ مضبوط کرینگے۔ آخر میں تمام ممبران نے انہیں مبارکباد پیش کرتے ہوئے انکی کامیابی اور ملک و قوم کی سلامتی کیلئے دعا کی۔
اسلام ٹائمز۔ مجلس وحدت مسلمین کے رکن شوریٰ عالی ایم پی اے آغا رضا نے صوبائی آرگنائزر کے عہدے سے مستعفی ہو کر جمہوری اصولوں کے عین مطابق تمام تر اختیارات نو منتخب صوبائی سیکرٹری جنرل علامہ برکت علی بلوچ کے حوالے کر دیئے ہیں۔ اس موقع پر خطاب کرتے ہوئے ان کا کہنا تھا کہ ہم اور ہماری پارٹی جمہوری اصولوں کے پابند ہیں، ہمارا پارٹی دستور اسلامی جمہوریہ پاکستان کے آئین و دستور کی روشنی میں مرتب کیا گیا ہے، جس طرح ہماری پارٹی میں جمہوریت قائم ہے، اسی طرح ہم وطن عزیز میں بھی جمہوریت کی مضبوطی کے لئے کوشاں ہیں، آمریت ہر سطح پر نقصان کا باعث ہے، جمہوری اداروں کی مضبوطی، اختیارات اور عوام کے منتخب نمائندوں کے احترام ہی میں جمہوریت کی بقا ہے، لہذا ہم اپنے نو منتخب صوبائی سیکرٹری جنرل علامہ برکت علی بلوچ کیساتھ بھرپور تعاون کرکے ان کے ہاتھ مضبوط کریں گے۔ آخر میں تمام ممبران نے انہیں مبارکباد پیش کرتے ہوئے انکی کامیابی اور ملک و قوم کی سلامتی کے لئے دعا کی۔
خبر کا کوڈ: 604103