QR Code

دہشتگردی کے خاتمہ کیلئے پی ایس ایل فائنل کیطرح قومی عزم کا اظہار کرنا ہوگا، سفیر شہانی

7 Mar 2017 11:06

ایم ڈبلیو ایم بھکر کے سیکرٹری جنرل کا ایک بیان میں کہنا تھا کہ اگر ہمارے سکیورٹی ادارے اسی توجہ اور عزم کے ساتھ دہشت گردی کے ناسور کو اکھاڑ پھینکنے کی کوشش کریں تو یقیناً بہترین نتائج حاصل ہوں گے۔

اسلام ٹائمز۔ مجلس وحدت مسلمین پاکستان ضلع بھکر کے سیکرٹری جنرل سفیر حسین شہانی ایڈووکیٹ نے کہا ہے کہ ملک دشمن عناصر کا پیدا کردہ خوف قومی عزم اور یکجہتی نے پی ایس ایل فائنل کی صورت میں ختم کر دیا، میچ کے پرامن انعقاد کے لئے ریاستی اداروں کے اقدامات قابل تحسین تھے۔ اگر ہمارے سکیورٹی ادارے اسی توجہ اور عزم کے ساتھ دہشت گردی کے ناسور کو اکھاڑ پھینکنے کی کوشش کریں تو یقیناً بہترین نتائج حاصل ہوں گے۔ جس طرح پوری دنیا نے پاکستانی قوم کی بے خوفی اور جذبہ دیکھا یہ پاکستانی قوم کا حقیقی روپ تھا۔ ملک دشمن اور اسلام دشمن عناصر بری طرح ناکام ہوئے ہیں۔ ہم اپنے ضلع بھکر میں بھی توقع رکھتے ہیں کہ ریاستی ادارے ایسے اقدامات کریں گے کہ جس کی وجہ سے عوام کو خوشیاں ملیں اور خوف و ہراس کی فضاء تحلیل ہو۔

خبر کا کوڈ: 615723