QR Code
پشاور، جے یو آئی (ف) حلقہ پی کے 8 کے زیر اہتمام ریلی
11 Mar 2017 15:48
مقررین نے ریلی سے خطاب کرتے ہوئے کہا کہ جمعیت علمائے اسلام (ف) کے زیر انتظام عالمی اجتماع کا انعقاد کیا جا رہا ہے۔
اسلام ٹائمز۔ جمعیت علمائے اسلام (ف) صوبائی اسمبلی کے حلقہ آٹھ کے زیر اہتمام صد سالہ عالمی اجتماع کے سلسلے میں ریلی نکالی گئی، جس کی قیادت صوبائی رہنما اور سابق صوبائی وزیر آصف اقبال دائودزئی، جے یو آئی کے مرکزی فنانس سیکرٹری الحاج شمس الرحمان شمسی، قاری سید رفیق شاہ اور پی کے 8 کے جنرل سیکرٹری الحاج ملک جہانداد کررہے تھے۔ مقررین نے ریلی سے خطاب کرتے ہوئے کہا کہ جمعیت علمائے اسلام (ف) کے زیر انتظام عالمی اجتماع کا انعقاد کیا جا رہا ہے، جس میں جمعیت علمائے اسلام (ف) کے سربراہ مولانا فضل الرحمان کی قیادت پر اعتماد کا اظہار کرتے ہوئے 50 لاکھ افراد کی شرکت متوقع ہے۔ اس اجتماع میں دیگر ممالک کے جید علماء سمیت امام کعبہ فضیلت الشیخ عبد الرحمن السدیس خصوصی شرکت کرینگے۔ تمام کارکنان اس اجتماع کو کامیاب کرانے کے لئے دن رات محنت کریں۔
خبر کا کوڈ: 617188