QR Code

تقسیم کشمیر کی کسی بھی سازش کو کامیاب نہیں ہونے دیں گے، شگفتہ نورین

23 Mar 2017 09:23

پی پی خواتین ونگ مظفرآباد کی صدر کا کہنا تھا کہ گلگت بلتستان ریاست جموں و کشمیر کا حصہ ہے جسے کسی صورت الگ نہیں کیا جاسکتا۔ صوبہ بنانے کی باتیں کرنے والے کشمیریوں کی قربانیوں کا مذاق اڑا رہے ہیں۔

اسلام ٹائمز۔ پیپلز پارٹی خواتین ونگ مظفرآباد کی صدر شگفتہ نورین کاظمی نے مقبوضہ کشمیر کے اندر جاری ظلم و بربریت کی مذمت کرتے ہوئے کہا ہے کہ تقسیم کشمیر کی کسی بھی سازش کو کامیاب نہیں ہونے دیں گے۔ کشمیری عوام 70سال سے اپنے بنیاد ی حق کے لئے قربانیاں دے رہے ہیں۔ گلگت بلتستان ریاست جموں و کشمیر کا حصہ ہے جسے کسی صورت الگ نہیں کیا جاسکتا۔ صوبہ بنانے کی باتیں کرنے والے کشمیریوں کی قربانیوں کا مذاق اُڑا رہے ہیں۔

خبر کا کوڈ: 620650