QR Code

پشاور، سرکاری گاڑی پر فائرنگ سے 2 افراد زخمی

6 Apr 2017 17:16

پولیس رپورٹ کیمطابق سی ایس ڈی کے دو ملازمین پھندو روڈ پر فروٹ منڈی سے خریداری کے بعد سرکاری گاڑی میں سامان لے کر جا رہے تھے کہ جمیل چوک کے قریب گھات لگائے نامعلوم شدت پسندوں نے انکی گاڑی پر فائرنگ کر دی۔

اسلام ٹائمز۔ پشاور کے علاقے رنگ روڈ پر نامعلوم افراد نے فائرنگ کرتے ہوئے 2 سرکاری ملازمین کو شدید زخمی کر دیا اور فرار ہوگئے۔ رنگ روڈ پر جمیل چوک کے قریب نامعلوم شدت پسندوں کی فائرنگ سے سرکاری سی ایس ڈی سٹور کے دو ملازمین شدید زخمی ہوگئے، جن میں ایک کی حالت تشویش ناک بتائی جاتی ہے۔ پولیس رپورٹ کے مطابق سی ایس ڈی کے دو ملازمین پھندو روڈ پر فروٹ منڈی سے خریداری کے بعد سرکاری گاڑی میں سامان لے کر جا رہے تھے کہ جمیل چوک کے قریب گھات لگائے نامعلوم شدت پسندوں نے ان کی گاڑی پر فائرنگ کر دی، جس کے نتیجے میں دونوں سرکاری ملازمین شدید زخمی ہوگئے، جنہیں ہسپتال منتقل کر دیا گیا، جہاں ان میں سے ایک کی حالت تشویش ناک بتائی جا رہی ہے۔ ریسکیو ذرائع کے مطابق زخمی ہونے والوں کی شناخت عبدالرحمٰن اور گل مرجان کے ناموں سے ہوئی۔

خبر کا کوڈ: 625336