QR Code

ضلع غذر کیلئے قراقرم انٹرنیشنل یونیورسٹی کیمپس کی منظوری مل گئی

6 Apr 2017 19:03

عوام نے گورنر گلگت بلتستان کی علمی کاوشوں سے سراہا ہے جو گزشتہ کئی مہینوں سے ضلع دیامر، ہنزہ اور غذر میں یونیورسٹی کیمپس کے قیام کے لئے کوشاں تھے۔

اسلام ٹائمز۔ گورنر گلگت بلتستان میر غضنفر علی خان کی خصوصی دلچسپی سے ضلع ہنزہ اور دیامر کے بعد اب ضلع غذر کیلئے بھی قراقرم انٹرنیشنل یونیورسٹی کا کیمپس منظور ہوگیا۔ تفصیلات کے مطابق ہائیرایجوکیشن کمیشن آف پاکستان کی جانب سے باقاعدہ نوٹیفیکیشن گورنر ہاوس کو موصول ہوگیا ہے۔ ضلع غذر میں یونیورسٹی کیمپس کے قیام سے طلبہ و طالبات کیلئے تعلیم کے بہتر مواقع ملیں گے۔ حال ہی میں ہنزہ میں کے آئی یو کیمپس کی کلاسز کا آغاز بھی ہوا ہے اور دیامر کیلئے یونیورسٹی کیمپس منظور ہوچکا ہے جبکہ اب گورنر جی بی کی ذاتی کوششوں کی وجہ سے ضلع غذر میں قراقرم انٹرنیشنل یونیورسٹی کے قیام کے لئے ہائیر ایجوکیشن کمیشن پاکستان سے باقاعدہ نوٹیفیکشن جاری ہوا ہے۔ عوام نے گورنر گلگت بلتستان کی علمی کاوشوں سے سراہا ہے جو گزشتہ کئی مہینوں سے ضلع دیامر، ہنزہ اور غذر میں یونیورسٹی کیمپس کے قیام کے لئے کوشاں تھے۔

خبر کا کوڈ: 625376