QR Code

تربت میں ایف سی کی کارروائی، فائرنگ کے تبادلے میں کالعدم تنظیم کا دہشتگرد ہلاک

8 Apr 2017 22:19

ہفتے کو ایف سی کو اطلاع ملی کہ تربت کے علاقے ڈمب بازار میں دہشتگرد مردم شماری کے عمل کو سبوتاژ کرنے کا منصوبہ بنا رہے ہیں، جس پر ایف سی نے بروقت کارروائی کی۔

اسلام ٹائمز۔ تربت ڈمب بازار میں کالعدم تنظیم کے ایک دہشتگرد کو ایف سی نے کارروائی کرتے ہوئے اس وقت ہلاک کر دیا، جب وہ اپنے دیگر ساتھیوں کے ساتھ مردم شماری کے عمل کو سبوتاژ کرنے کا منصوبہ بنا رہا تھا۔ تربت میں ایف سی کی کارروائی کے دوارن فائرنگ کے تبادلے میں کالعدم تنظیم کا رکن ہلاک ہوگیا۔ تفصیلات کے مطابق ہفتے کو ایف سی کو اطلاع ملی کہ تربت کے علاقے ڈمب بازار میں دہشتگرد مردم شماری کے عمل کو سبوتاژ کرنے کا منصوبہ بنا رہے ہیں، جس پر ایف سی نے بروقت کارروائی کرتے ہوئے فائرنگ کے تبادلے میں کالعدم تنظیم کے ایک دہشتگرد کو ہلاک کرکے اس کے قبضے سے اسلحہ برآمد کرلیا۔

خبر کا کوڈ: 625986