QR Code

سیاستدان پیٹرولیم مصنوعات کی قیمتوں میں اضافے کے خلاف باتیں کرنے کي بجائے مسئلے کا حل تجويز کريں، فیصل کریم کنڈی

2 Apr 2011 03:20

اسلام ٹائمز۔ قومی اسمبلی کے ڈپٹی سپیکر نے کہا ہے کہ پنجاب میں مسلم لیگ نون نے مخلوط حکومت توڑنے میں جلدی کی، فارورڈ بلاک کی تشکیل جمہوریت کے لیے خطرناک ہے

لاہور:اسلام ٹائمز۔واپڈا ہاؤس لاہور میں پریس کانفرنس کرتے ہوئے قومی اسمبلی کے ڈپٹی سپیکر فیصل کریم کنڈی نے کہا کہ کوئی بھی حکومت یہ نہیں چاہتی کہ مہنگائی میں اضافہ ہو کیونکہ اس سے حکومت کی مقبولیت کا گراف گرتا ہے۔ ان کا کہنا تھا کہ پنجاب میں مسلم لیگ نون نے مخلوط حکومت توڑنے میں جلدی کی، فارورڈ بلاک کی تشکیل جمہوریت کے لیے خطرناک ہے۔ انہوں نے کہا کہ پاکستان بھارت سے کرکٹ میچ تو ہار گیا تاہم مذاکرات کا راستہ کھلا ہے جس سے فائدہ اٹھانا چاہیے۔ فیصل کریم کنڈی نے ایک سوال کے جواب میں کہا کہ پیپلز پارٹی کے جیالے، جیلوں سے نہیں ڈرتے۔ خیبر پختونخوا کے لیے چشمہ لفٹ کینال کی منظوری وزیر اعظم نے دے دی ہے اس نہر سے دو لاکھ چھیاسی ہزار ایک سو چالیس ایکڑ زمین سیراب ہو گی اور گندم سمیت تمام فصلیں اچھی ہوں گی۔

خبر کا کوڈ: 62634