QR Code

جمہوریت کا چولہ پہنے وزیراعظم نواز شریف کی سوچ آمر کی عکاس ہے، شرجیل میمن

6 May 2017 17:42

کراچی میں میڈیا سے بات کرتے ہوئے پیپلز پارٹی کے رہنماء اور سابق صوبائی وزیر نے کہا کہ میئر کراچی اختیارات کے حوالے سے بیان بازی کے بجائے سندھ حکومت سے مل کر بات کریں تو معاملات حل ہو جائیں گے۔

اسلام ٹائمز۔ پیپلز پارٹی کے رہنماء اور سابق صوبائی وزیر شرجیل انعام میمن نے کہا ہے کہ وزیراعظم نواز شریف کی سوچ کسی آمر سے کم نہیں ہے۔ کراچی میں میڈیا سے بات کرتے ہوئے شرجیل میمن کا کہنا تھا کہ کراچی سمیت تمام میئرز کے پاس اختیارات ہونے چاہئیں اور میئر کراچی اختیارات کے حوالے سے بیان بازی کے بجائے سندھ حکومت سے مل کر بات کریں تو معاملات حل ہو جائیں گے۔ وزیراعظم نواز شریف کے حوالے سے ان کا کہنا تھا کہ ان کی سوچ کسی ڈکٹیٹر سے کم نہیں ہے، جمہوریت کا چولہ پہنے وزیراعظم کی سوچ آمر کی عکاس ہے۔

خبر کا کوڈ: 634103