QR Code
پشاور، تحریک انصاف کا لوڈشیڈنگ کیخلاف 17 مئی کو واپڈا ہاؤس کے گھیرائو کا اعلان
15 May 2017 20:38
پشاور میں پی ٹی آئی کے ضلعی اجلاس میں فیصلہ کیا گیا کہ غیر اعلانیہ لوڈ شیڈنگ اور وفاقی حکومت کے معتصبانہ رویئے کیخلاف 17 مئی کو باچا خان چوک سے شامی روڈ واپڈا ہاؤس تک ایک پُرامن احتجاجی ریلی نکالی جائیگی، جبکہ واپڈا ہاؤس کا گھیراؤ کرکے دھرنا دیا جائیگا۔
اسلام ٹائمز۔ پشاور میں تحریک انصاف غیر اعلانیہ لوڈ شیڈنگ اور وفاقی حکومت کے معتصبانہ رویئے کے خلاف 17 مئی کو احتجاج کرنے کے علاوہ واپڈا ہاؤس کا گھیراؤ کرے گی۔ یہ فیصلہ پاکستان تحریک انصاف کے ضلعی صدر ارباب جہانداد کی زیر صدارت پشاور میں منعقدہ ایک اہم اجلاس میں کیا گیا، جس میں جنرل سیکرٹری محمد عاصم خان، نائب ناظم سید قاسم علی شاہ، ایم پی اے عارف یوسف، پشاور کے دیگر ناظمین اور پارٹی عہدیداروں نے شرکت کی۔ اجلاس میں فیصلہ کیا گیا کہ غیر اعلانیہ لوڈ شیڈنگ اور وفاقی حکومت کے معتصبانہ رویئے کے خلاف 17 مئی کو باچا خان چوک سے شامی روڈ واپڈا ہاؤس تک ایک پُرامن احتجاجی ریلی نکالی جائے گی، جبکہ واپڈا ہاؤس کا گھیراؤ کرکے دھرنا دیا جائے گا۔
خبر کا کوڈ: 637098