QR Code

بھارتی دہشت گردی پر عالمی برادری خاموش تماشائی بنی بیٹھی ہے، عبد العلیم یزدانی

24 May 2017 23:46

شورکوٹ میں میڈیا سے گفتگو کرتے ہوئے اہل حدیث رہنماء نے کہا کہ سعودی قیادت نے مغربی دنیا اور ٹرمپ انتظامیہ کو دہشت گردی کے معاملے میں واضح موقف اختیار کرنے اور اسے کسی مذہب سے نہ جوڑنے پر قائل کیا ہے۔

اسلام ٹائمز۔ مرکزی جمعیت اہل حدیث کے نائب امیر حافظ عبد العلیم یزدانی نے شورکوٹ میں میڈیا سے گفتگو کرتے ہوئے کہا ہے کہ موجودہ مسائل اسلامی نظام کے نفاذ سے ہی حل ہوں گے، جبکہ ملکی بقاء و سلامتی کے لیے کشمیر کی آزادی ناگزیر ہے۔ شورکوٹ میں میڈیا سے گفتگو کرتے ہوئے اہل حدیث رہنماء نے کہا کہ بھارتی دہشت گردی پر عالمی برادری خاموش تماشائی بنی بیٹھی ہے، لیکن وہ وقت دور نہیں جب کشمیری آزاد فضاؤں میں سانس لیں گے۔ انہوں نے کہا کہ سعودی عرب میں ہونے والی کانفرنس ملت اسلامیہ کے مسائل کے حل کی جانب اہم قدم ہے، شام، عراق، فلسطین اور کشمیر کے مسائل حل کرنے کے لیے ساری دنیا کو کردار ادا کرنا ہو گا۔ انہوں نے کہا کہ سعودی قیادت نے مغربی دنیا اور ٹرمپ انتظامیہ کو دہشت گردی کے معاملے میں واضح موقف اختیار کرنے اور اسے کسی مذہب سے نہ جوڑنے پر قائل کیا ہے۔

خبر کا کوڈ: 640183