QR Code

بلاول بھٹو کا ایرانی عوام اور شہداء کے ورثاء کیساتھ ہمدردی و یکجہتی کا اظہار

7 Jun 2017 23:12

چیئرمین پیپلز پارٹی نے ایرانی پارلیمنٹ اور امام خمینیؒ کے مزار پر دہشتگرد حملے کی شدید مذمت کرتے ہوئے ایران میں دہشتگرد حملوں کو خطے میں امن کیلئے خطرہ قرار دیا اور زور دیا کہ خطے میں دہشتگردی کیخلاف مشترکہ کوششیں کی جائیں۔

اسلام ٹائمز۔ پاکستان پیپلز پارٹی کے چیئرمین بلاول بھٹو زرداری نے ایرانی پارلیمنٹ اور امام خمینیؒ کے مزار پر دہشتگرد حملے کی شدید مذمت کی ہے۔ اپنے مذمتی بیان میں بلاول بھٹو زرداری نے ایران میں دہشتگرد حملوں کو خطے میں امن کیلئے خطرہ قرار دیا اور دہشتگردی میں شہید ہونے والے شہریوں کے ورثاء اور ایران کی عوام کے ساتھ ہمدردی و یکجہتی کا اظہار کیا۔ بلاول بھٹو زرداری نے کہا کہ پاکستان پیپلز پارٹی کسی بھی ملک میں ہونے والی دہشتگردی کی مذمت کرتی ہے۔ انہوں نے زور دیا کہ خطے میں دہشتگردی کے خلاف مشترکہ کوششیں کی جائیں۔

خبر کا کوڈ: 644080