QR Code

کوئٹہ، سانحہ 8 اگست کیخلاف وکلاء تنظیموں کا عدالتی بائیکاٹ جاری

9 Jun 2017 13:42

گذشتہ سال 8 اگست کی روز سول ہسپتال کوئٹہ میں وکلاء پر خودکش حملے کیوجہ سے 70 وکلاء کی شہادت کیخلاف بلوچستان کی وکلاء تنظیموں کیجانب سے ہر مہینے کی 8 تاریخ کو بلوچستان ہائی کورٹ اور ماتحت عدالتوں سے بائیکاٹ کیا جاتا ہے۔

اسلام ٹائمز۔ سانحہ 8 اگست کے خلاف جمعرات کو بلوچستان کی وکلاء تنظیموں کی جانب سے بلوچستان ہائیکورٹ اور ماتحت عدالتوں کا بائیکاٹ کیا گیا۔ جس کے باعث عدالتوں کے احاطے ویران، جبکہ سائلین اور قیدی پریشان رہے۔ یاد رہے کہ بلوچستان کی وکلاء تنظیموں کی جانب سے سانحہ 8 اگست کے خلاف ہر مہینے کی 8 تاریخ کو بلوچستان ہائی کورٹ اور ماتحت عدالتوں سے بائیکاٹ کا اعلان کیا گیا تھا۔ گذشتہ روز بلوچستان کی وکلاء تنظیموں کے فیصلے کی روشنی میں وکلاء نے بلوچستان ہائی کورٹ، ڈسٹرکٹ اینڈ سیشن کورٹ، ضلعی کچہری کوئٹہ میں قائم عدالتوں کا بائیکاٹ کیا۔ جس کے باعث مختلف نوعیت کے کیسز کو ججز نے نئی تاریخیں دیں۔ وکلاء کے عدالتی بائیکاٹ کے باعث نہ صرف عدالتوں کے احاطے ویران رہے بلکہ سائلین اور قیدیوں کو بھی پریشانی کا سامنا کرنا پڑا۔

خبر کا کوڈ: 644441