QR Code

سعودی حکومت کیجانب سے جنت البقیع کا انہدام عالم اسلام کے منہ پر طمانچہ ہے، علامہ اقتدار نقوی

1 Jul 2017 23:13

ایم ڈبلیو ایم جنوبی پنجاب کے سیکرٹری جنرل کا ایک بیان میں کہنا تھا کہ 8 شوال 3 جولائی کو ملتان پریس کلب کے سامنے احتجاجی مظاہرہ کیا جائے گا، احتجاجی مظاہرے میں دیگر جماعتوں کو بھی شرکت کی دعوت دی جائے گی۔

اسلام ٹائمز۔ مجلس وحدت مسلمین کے زیراہتمام ملک کے دیگر شہروں کی طرح جنوبی پنجاب میں بھی 8 شوال 3 جولائی کو عالمی یوم انہدام جنت البقیع منایا جائے گا، مجلس وحدت مسلمین جنوبی پنجاب کے سیکرٹری جنرل علامہ اقتدار حسین نقوی، ڈپٹی سیکرٹری جنرل محمد اصغر تقی اور صوبائی ترجمان ثقلین نقوی نے اپنے مشترکہ بیان میں کہا کہ آل سعود حکومت کی جانب سے 8 شوال کو جنت البقیع میں صحابہ کرام، اُمہات المومنین اور آئمہ اطہار کی قبور کو مسمار کرادیا گیا تھا، جس کے بعد 8 شوال کو دنیا بھر میں آل سعود کی اس اسلام دشمن حرکت کے خلاف یوم احتجاج منایا جاتا ہے، علامہ اقتدار نقوی نے کہا کہ 8 شوال 3 جولائی کو ملتان پریس کلب کے سامنے احتجاجی مظاہرہ کیا جائے گا، احتجاجی مظاہرے میں دیگر جماعتوں کو بھی شرکت کی دعوت دی جائے گی۔ اُنہوں نے مزید کہا کہ سعودی حکومت کی جانب سے صحابہ کرام، اُمہات المومنین اور آئمہ اطہار کی قبور کو مسمار کرانا عالم اسلام کے منہ پر طمانچہ ہے، ان مقدس ہستیوں کی قبور مسلمانوں کے لیے مرکز ہدایت ہیں۔

خبر کا کوڈ: 650029